TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Rinumërimi i votave në qarkun e Tiranës dhe disa qarqe të tjera vijon me intensitet. Sipas Ledio Brahos, anëtar i Komisionit të Ankimimeve dhe Sanksioneve (KAS), deri tani është përfunduar vetëm rreth 10% e procesit, ku janë evidentuar kryesisht gabime njerëzore.
Stafi i KQZ po vazhdon numërimin e votave, ndërsa në rastet kur votat kanë qenë të diskutueshme, KAS ka marrë vendimet përkatëse. Partitë e mëdha raportohet të kenë humbur vota gjatë këtij procesi, ndërsa te kandidatët janë vërejtur lëvizje të ndryshme votash, të cilat lidhen me subjektivitetin e grupeve të numërimit.
Sot procesi do të zhvillohet në dy turne, ndërsa rinumërimi në Tiranë kërkon më shumë kohë për shkak të numrit të madh të kandidatëve. Qëllimi është që rezultatet të shpallen sa më shpejt.
Ledio Braho, anëtar i KAS: Stafi i KQZ po numëron votat. Kur votat kanë qenë të diskutueshme, KAS ka vendosur. Janë numëruar më pak se 10 përqind e të votave.
Partitë e mëdha kanë humbur vota nga procesi. Edhe te kandidatët ka pasur lëvizje votash, kanë qenë vota të diskutueshme, janë çështje subjektiviteti të grupeve të numërimit.
Deri tani parregullsisë kanë qenë njerëzore. Dje u rinumëruan 87 qendra votimi, sot procesi i rinumërimit do të jetë me dy turne. Qarku Tiranë kërkon kohë fizike më shumë, duke qenë se ka më shumë kandidatë. Qëllimi është që sa më shpejt të dalë rezultati.
Procesi i rinumërimit, i cili nis më 11 qershor, zhvillohet në pallatin e sportit “Farie Hoti” në Tiranë dhe në të do të angazhohen 24 grupe numërimi.
Vendimi për hapjen e kutive dhe rinumërimin e votave u mor nga KAS pas kërkesës së dy anëtarëve të tij që mbështetën kërkesat e opozitës.
Opozita nuk e njeh rezultatin zgjedhor të 11 majit ndërkohë që po denoncon në kancelaritë perëndimore sipas saj farsën elektorale. PD po përgatit një dosje të plotë të manipulimit zgjedhor për t’ua dorëzuar kancelarive të huaja.
