TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pedagogu Ervin Karamuço është pranuar si kandidat për vendet vakante në Gjykatën Kushtetuese. Përmes një njoftimi Këshilli i Emërimeve në Drejtësi bën me dije se ka pranuar kandidimin e pedagogut të drejtësisë.
Kujtojmë se Karamuço kandidon për vendin vakant të Vitore Tushës dhe Fatmir Hoxhës.
kujtojmë se profesor Ervin Karamuço ka përfunduar në Vitin 2000 studimet e larta për Drejtësi në Universitetin e Tiranës dhe më pas ka ndjekur studimet pasuniversitare Master dhe Doktoraturë pranë Institutin të Studimeve Evropiane, ku ka mbrojtur temat shkencore në fushat e krimit të organizuar dhe të drejtave të njeriut, në kuadër të çështjeve të integrimit evropian.
Në vitin 2016 ka fituar titullin Profesor i Asociuar. Karamuço ka një eksperiencë të gjatë si funksionar i lartë shtetëror pranë Avokatit të Popullit, duke mbajtur funksione si Zv. Komisioner, Drejtor Kabineti dhe Drejtues i Mekanizmit Kombëtar të Parandalimit të Torturës. Për rezultatet e larta në punën e tij, të vlerësuara edhe nga organizatat ndërkombëtare, në zbulimin, hetimin dhe parandalimin e rasteve të torturës në burgje dhe polici, si dhe per kontributin nderkombetar ne luften kunder trafikimit te paligjshem te emigranteve dhe familjeve te tyre, është dekoruar nga Presidenti i Republikës me titullin “Për Merita të Veçanta Civile”, si dhe eshte shpallur “Qytetar Nderi” i Shtetit te Zakatekas ne Meksike.
Profesor Karamuço është aktivist i shoqërisë civile për çështje kushtetuese dhe të drejtësisë penale. Ai ka qënë i angazhuar si Këshilltar i Presidentit të Republikës për çështjet e krimit të organizuar dhe korrupsionit, si dhe Këshilltar pranë Kontrollit të Lartë të Shtetit për çështje të korrupsionit dhe performancës së administratës publike. Gjithashtu ka ushtruar detyrën e Drejtuesit të Njësisë Kombëtare kundër Korrupsionit në Shqipëri, të ngritur nga Transparency International me seli në Berlin Gjermani.
