TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama ka reaguar pas tragjedisë së rëndë që tronditi sot Beogradin, ku një nxënës 14-vjeçar vrau 8 nxënës dhe një roje shkolle dhe plagosi 7 persona të tjerë.
Rama ka shpërndarë ngushëllimet e tij nëpërmjet profilit zyrtar në "Twitter" në dy gjuhë, anglisht dhe serbisht.
"Është jashtëzakonisht e trishtueshme të dëgjosh për të shtënat e sotme në një shkollë të Beogradit. Ngushëllimet e mia më të thella shkojnë për familjet e viktimave, si dhe për popullin dhe autoritetet serbe. I uroj shërim të shpejtë të lënduarve në këtë ngjarje tragjike", shkruan Rama në anglisht.
"Këto janë momentet në jetë kur ne të gjithë e kuptojmë se njerëzimi ynë është gjëja më e vlefshme që të gjithë kemi të përbashkët dhe kur dhimbja dhe pikëllimi na kujtojnë vlerën e bashkimit në kohë të mira dhe të këqija. U prehshin në paqe ata që u ndanë nga jeta", është mesazhi i tij në serbisht.
