TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Analisti Andi Bushati, i ftuar në emisionin Të Paekspozuarit në MCN TV, ka komentuar zgjedhjen e Endri Shabanit si Avokat i Popullit.
Bushati tha se PD, duke i dhënë firmat Shabanit "doli idiote", por shtoi se nuk beson teoritë konspirative se ka patur bashkëpunim PS-PD për të zgjedhur Shabanin.
Ndërsa për Shabanin, deklaroi se mori shpërblimin nga Edi Rama për sabotimin që i bëri Adriatik Lapajt, duke përdorur dajën për ta lënë jashtë Parlamentit.
"Është e bukur kjo fabula e bashkëpunimit PS-PD por nuk e besoj. Të jesh i pamoralshëm është e keqe në politikë, por më e pafalshme është të jesh idiot dhe karagjoz.
PD sot ka dalë idiote dhe karagjoze. Nuk besoj se ka patur ndonjë marrëveshje, janë thjeshtë idiotë, një parti që nuk mendon.
Lajmi i dytë, sepse deri tani ishim si veproi PD, por lajmi i dytë, Edi Rama nuk ka qenë në Parlament sot, ka lënë zyrën dhe ka vajtur në Parlament të votojë Endri Shabanin.
Sot kam besuar që shkatërrim i partivë të vogla është skemë e Ramës dhe Endri ka marrë shpërblimin për ta luajtur këtë rol", tha Bushati.
