TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Vijojnë kontrollet e Policisë së Vlorës për parandalimin dhe goditjen e tregtimit të kundërligjshëm të lëndëve piroteknike, në prag të festave të fundvitit.
Në kuadër të planit të masave të ndërmarra, shërbimet e Komisariatit të Policisë Vlorë, në bashkëpunim me specialistët për Hetimin e Krimeve Ekonomiko-Financiare, kanë intensifikuar kontrollet në subjekte tregtare të qytetit.
Si rezultat i kontrolleve, në një subjekt tregtar me aktivitet ushqimor, në lagjen “Pavarësia”, u konstatuan dhe u sekuestruan 179 copë lëndë piroteknike (fishekzjarre), të cilat mbaheshin për tregtim në kundërshtim me ligjin.
Lëndët piroteknike u sekuestruan në cilësinë e provës materiale, ndërsa materialet procedurale u referuan në Prokurori, ku nisi procedimi penal ndaj pronarës së subjektit, shtetases D. K., 31 vjeçe, banuese në Vlorë.
Policia bën me dije se kontrollet për ndalimin e tregtimit të paligjshëm të lëndëve piroteknike do të vijojnë në të gjithë territorin e qarkut Vlorë, me qëllim garantimin e sigurisë së qytetarëve gjatë festave të fundvitit.
