TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deri në muajin maj, të gjithë subjektet që kryejnë aktivitete ekonomike në zonat bregdetare, si dhe në bregun e liqeneve dhe lumenjve, dhe shkarkojnë ujërat e ndotur në ujëra larës duhet të instalojnë impiantet e trajtimit dhe largimit të tyre.
Ministria e Infrastrukturës dhe Energjisë dhe ajo e Turizmit dhe Mjedisit kanë miratuar rregullat që duhet të ndjekim këto subjekte, që lidhen me standardet e kërkuara, në mënyrë që të mos bëhen objekt penalizimi nga Task – Forca që do të ngrihet për kontrollin e tyre. Sipas dokumentit të publikuar në Fletoren Zyrtare, teknologjia e impiantit të trajtimit të ujërave të ndotura duhet të jetë ajo e trajtimit me llum aktiv.
Ndërkohë, kjo teknologji duhet të implementohet edhe nga subjektet që disponojnë gropa septike. Po ashtu, rregullorja ka përcaktuar edhe vlerat e lejuara të shkarkimeve, që duhet të përmbushin bizneset që shkarkojnë ujërat e zeza, në ujëra larës. Dokumenti përcakton edhe lidhjen me sistemin e kanalizimeve të ujërave të ndotura, si dhe hapat që duhet të ndiqen nga subjektet në rast të mungesës së rrjetit të kanalizimeve në zonë.
Detyrimi për instalimin e impianteve të trajtimit dhe largimit të ujërave të ndotur përfshin të gjitha llojet e subjekteve, duke nisur nga strukturat akomoduese, agroturizmat, bujtinat, hotelet, komplekset turistike, baret, restorantet, etj. Ndërkohë që, sipas të dhënave nga Ministria e Infrastrukturës dhe Energjisë, në total pranë ujërave larës janë 9000 subjekte. Ndërkaq, Task-Forca, që do të ngrihet për monitorimin e zbatimit të këtyre detyrimeve do të nisë kontrollet në terren, në javën e parë të majit, që përkon me përfundimin e afatit 3 – mujor për instalimin e impianteve, ndërsa në rast të konstatimit të shkeljeve do të mund të vendosë gjoba e deri mbyllje të aktivitetit.
