TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama lajmëroi sot në rubrikën “Sy m Sy” në rrjete sociale se ka filluar puna për organizimin e samitit të NATO-s, që pritet të zhvillohet në vendin tonë në vitin 2027.
Rama u shpreh se ka ardhur një grup nga qendra e NATO-s në Bruksel për të parë kushtet dhe mundësitë e mikpritjes në Shqipëri, sa i përket infrastrukturës dhe logjistikës.
Sa i përket samitit të Komunitetit Politik Evropian një muaj më parë në Tiranë, Rama tha se ishte një spektakël jehona e të cilit vijon ende në Evropë.
Rama: Kemi lajme të mira nga fronti i negociatave, urojmë dhe shpresojmë dhe besojmë që së shpejti do të marrim lajmin e hapjes së një tjetër grup kapitujsh dhe sipas ambicies dhe planit të hapim pastaj edhe grup-kapitullin e fundit, që t’i kemi të gjitha grup kapitujt të hapura. Në ndërkohë samiti i Komunitetit Politik Evropian ka qenë sukses i jashtëzakonshëm, fantastik do thosha pa bërë asnjë ekzagjerim, jehona e të cilit në korridoret e politikës evropiane vazhdon.
Në ndërkohë kemi filluar punën për samitin e NATO-s, në dukje ka kohë por në fakt kjo është mënyra se si punohet për samitet e NATO, fillon puna dy vjet përpara. Pasi ka ardhur grupi i inspektimit nga qendra e NATO-s në Bruksel për të parë të gjitha opsionet dhe për të inventarizuar të gjitha kushtet dhe mundësitë e infrastrukturës së mikpritjes dhe logjistikës. Topi është në fushën tonë për të shkuar përsëri në qendër me një masterplan të përgjithshëm të organizimit.
