TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deputeti i Partisë Demokratike, Edi Paloka denoncoi sot publikisht ministrin e Drejtësisë, Ulsi Manja dhe kryebashkiakun socialist të Lezhës Pjerin Ndreu. Ai tha se këta zyrtarë po kontaktojnë me njerëz me rekorde kriminale dhe po u kërkojnë që të angazhohen në fushatën e PS.
Mes të tjerash demokrati pohoi se ministri i Drejtësisë ka kontaktuar me persona me rekorde kriminale dhe i ka kërcënuar indirekt duke u kërkuar që të përshihen në fushatën e PS për mbledhje votash. Sipas tij kjo po ndodh në qarkun e Lezhës, dhe se në ditët në vijim do të ketë edhe materiale të tjera lidhur me këtë denoncim.
“Dje kam marrë informacion se në qarkun e Lezhës, vetë ministri i drejtësisë kontakton, i japin telefonin nuk merr me telefonin e tij, dhe kontakton me persona me probleme penale në Shqipëri dhe jashtë dhe i kërcënon indirekt ose ju ofron lehtësira nëse ata do angazhohen në fushatë për PS. Kjo është jo vetëm shkelje të kodit, por kemi të bëjmë me krim. Një ministër u lë të kuptohen se nëse nuk do angazhohen në fushatë, këto probleme do u riaktivizohen. Këtë e bën ministri i drejtësie bashkë me Pjerin Ndreu. Këtë informacion e kam marrë nga njerëz të sigurt, në vazhdim do ketë edhe gjëra të tjera. Nuk dua të them më shumë, a janë të filmuara apo të regjistruara, por do dalin në ditët në vijim”, u shpreh Paloka.
