TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Familjarët e gruas që u plagos në Lushnjë akuzojnë familjen Hasalla për ngjarjen, por këta të fundit mohojnë të kenë lidhje. Ashtu siç deklaruan dy vëllezërit edhe babai i tyre Shaip Hasalla thotë se djemtë e tij nuk janë në Shqipëri.
Shaipi është një nga personat e marrë në pyetje në lidhje me plagosjen e Bajame Senaj ndërsa policia mori edhe dëshminë e dy djemve të tij përmes telefonit.
Vëllai i gruas Afrim Hasalla, akuzoi fisin tjetër me të njëjtin mbiemër se u bënë pritë pasditen e së enjtes duke i qëlluar me armë zjarri.
Por policia e Lushnjës nisur edhe nga dëshmitë e marra nuk ka një autor për plagosjen ndërsa vijon hetimet për familjet Hasalla.
Bajame Senaj mori një plumb në këmbë dhe ndodhet në spital në Tiranë nën kujdesin e mjekëve jashtë rrezikut për jetën.
Ajo bashkë me anëtarë të tjerë të familjes po kthehej nga gjyqi ndaj vëllait të saj Kastriot Hasalla i cili u dënua me 35 vjet burg.
Ky i fundit u dënua për vrasjen e Romeo Hasallës, djalit të Shaip Hasallës në korrik të vitit 2021. Shkak u bë një konflikt pronësie një sipërfaqe toke, konflikt që vijon mes dy fiseve.
