TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Teksa zhvillohet punimet në Kuvendin e Shqipërisë, jashtë ambienteve të tij ka nisur protesta e opozitës.
Deputeti i PD Flamur Noka ka deklaruar se garda përdoret nga Rama për të dhunuar deputetët e opozitës.
Ai u shpreh se kryeparlamentarja Lindita Nikolla u ndërpret fjalën deputetëve të PD sa herë përmendet Edi Rama, ndërsa këtë të fundit e cilësoi si anti amerikanin më të madh pas Enver Hoxhës.
“Jemi sot këtu për të na dëgjuar ju. E patë skenën, një skenë e turpshme. Garda përdoret për të dhunuar deputetët. Për të ndaluar deputetët e opozitës që të hynë aty për t’ju përfaqësuar ju. Edi Rama urdhëron bllokimin e Kuvendit, bllokimin e zërit të opozitës.
Edi Rama ka frikë nga e vërteta. Edi Rama është i kapur peng. Është i kapur në flagrancë duke minuar demokracinë në Shqipëri. Po kërkojmë një të drejtë që është fituar në Dhjetorin e vitit 1990.
Po kërkojmë të përcjellim zërin tuaj aty. Sa përmendet emri i Edi Ramës, Linda e parlamentit e ndërpret fjalën. Ku është thelbi? Rama u kap me një veprim kundër partnerit tonë strategjik.
Pas Enver Hoxhës, Edi Rama është anti-amerikani më i madh që ka njohur historia”, u shpreh Noka.
