TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kreu i Grupit Parlamentar të opozitës, Gazmend Bardhi ka dalë në një komunikim për mediat në Kryesinë e Kuvendit.
Ndër të tjera ai është pyetur edhe për faktin se mori pjesë për herë të parë në protestën e Berishës, pasi u kthye nga SHBA, e për këtë tha se ai ka marrë pjesë dhe do të marrë pjesë në çdo protestë qytetare.
Sa i takon vizitës në SHBA, Bardhi tha se nuk dëshirën që ta ngatërrojë vizitën atje me situatën në Shqipëri.
Bardhi: Unë do ti bashkohem, i jam bashkuar çdo proteste qytetare. Sa i takon vizitës time në SHBA, e kam bërë të qartë. SHBA janë aleati kyç i Shqipërisë, ka qenë krah nesh në momentet tona më të vështira. SHBA është një aleat kyç edhe për PD. Falënderoj Escobar për mikpritjen. Kam pasur takime në Kongres dhe Senat. Nuk dua ta ngatërroj vizitën në SHBA me situatën tani. Ata mbështesin Shqipërinë dhe rrugëtimin evropian të saj, dhe jo një parti politike.
Bashkimi me Berishën
Në lidhje me bashkimin me Berishën, Bardhi tha ata janë bashkuar rreth ideve dhe jo rreth individëve.
Bardhi: Ne bashkohemi rreth ideve, që është beteja kundër Edi Ramës dhe nuk bashkohem rreth individëve.
Keqpërdorimi që Rama i ka bërë konfliktit të brendshëm në PD dhe opozitë, nuk ka sjellë pasoja vetëm për partinë, por edhe për Shqipërinë.
