TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
“S’ke faj ti që flet anglisht”, Rama- kreut të Këshillit Koordinues të Diasporës: Habitem si i thua ato pak fjalë shqip
Rama: Ti e ke pasaportën shqiptare? Akoma s’e ke, ti nuk ke faj fare qe flet anglisht, habitem si i thua ato pak fjalë shqip, se nuk të kanë dhënë akoma pasaportën.
Edi Rama: Është bërë betejë e madhe në qeveri dhe mes institucioneve për të hequr kontaktin sy më sy, ishte që çdo punonjës i huaj duhet të shkonte tek ambasada shqiptare më e afërt, që i binte edhe 3 km për tu parë sy më sy nga një punonjës i ambasadës, që pasi ta shikonte sy më sy personin, mund të thoshte ‘që mund të shkojë në Shqipëri’. Se çfarë do t’i shihte ai në sy dhe se si ky tjetri me sy do të bindte këtë që në sytë e tij nuk kishte ndonjë ambicie për ndonjë bombë këtu në Shqipëri, kjo mbetet mister, Por ka qenë një nga betejat më të mëdha për të hequr një rregull, Sa për ti hedhur pak spec se Marku e ka qejf specin djegës në ushqim.
Diçka që sot është bërë se zakonshme, mbështetja që i kemi dhënë diasporës në aspektin e pensioneve.
Kemi një numër të madh marrëveshjes dhe jemi duke negociuar 8 marrëveshje të tjera, mbyllëm atë me Italinë që ishte e vështirë për shkak të barrës financiare që i shtohej shtetit italian, por ishte legjitime sepse ishin kontribute në sigurime shoqërore të shqiptarëve atje, kemi edhe atë me Greqinë, e cila është simetrikisht e vështirë, ose më e vështirë se ajo me Italinë, Po negociojmë marrëveshje me të gjitha vendet ku ka punonjës shqiptarë.
Duke folur për pasaportat shqiptare dhe nënshtetësinë shqiptare të zyrtarizuar në pasaportë besoj që ministria e Jashtme, do të lante shumë mëkate të trashëguara nga koha e asaj hijes së më përndjek mua sa herë që futem këtu, nëse të gjithë anëtareve të Këshilli Kombëtar të Diasporës, mendoj se ka anëtarë këtu që nuk e kanë pasaportën shqiptare, do ishte mirë që të gjithë të ktheheshin në vendet respektive me premtimin që do të merrnin pasaportën menjëherë vitin e ardhshëm dhe para se të nisen të lënë edhe shenjat e gishtave këtu se pa shenjat e gishtave, nuk e bëjmë dot këtë punë.
Ti e ke pasaportën shqiptare? “Jo” Akoma nuk e ke? Epo atëherë ti nuk ke faj fare që flet anglisht, habitem edhe si i thua edhe ato pak fjalë shqip. Normalisht ti di më shumë por duhet ti refuzoje ti thoshe sepse nuk të kanë dhënë akoma pasaportën.
Duhet të bëje një grevë të gjuhës shqipe, derisa të merrje pasaportën.
