TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
203,960 bimë kanabisi identifikuar dhe asgjësuar këtë vit nga policia e shtetit nga të cilat më shumë se gjysmat janë identifikuar nga ajri falë bashkëpunimit me partnerët Italian të GDF.
Monitorimet e GDF tregojnë një ulje të lehtë të këtij fenomeni krahasuar me një vit më parë. Zona më problematike në këtë drejtim vijon të jetë Shkodra. Në konferencën e përbashkët të Policisë së Shtetit dhe Guardia di Finanza për misionet anti-kanabis deri më 31 tetor të këtij viti, drejtori i përgjithshëm i policisë së shtetit Ilir Proda deklaroi se kundër narkotikëve në ndihmë ka ardhur edhe teknologjia.
“Deri më 31 tetor 2025, Policia e Shtetit kreu 217 119 kontrolle në 330 431 orë shërbimi. Objektet e kontrolluara përfshinë: sera, magazina, shtëpi të braktisura, tunele dhe ambiente të hapura. Për vitin 2025, përdorimi i dronëve u rrit në 76 pajisje. Sistemi elektronik “GIS-NARKOTIK” ofroi të dhëna më të plota dhe raporte analitike për ndjekjen e kultivimit të kanabisit”, u shpreh Ilir Proda.
Kultivuesit shqiptarë të kanabisit kanë ndryshuar varietetin e drogës që kultivojnë po ashtu edhe mënyrat e funksionimit ccka ka detyruar GDF të ndryshojë planet për kontrollin e territorit.
Si pasojë e këtyre ndryshimeve të modës operandit të organizatave kriminale dhe falë informacioneve të marra nga autoritetet shqiptare është rimoduluar periudha e kryerjes së kësaj fushate nga ajri. Është shtyrë gjithashtu kohëzgjatja e veprimtarisë së kontrollit deri në gjithë muajin tetor për identifikimin e bimëve të ashtuquajtura të vona edhe si pasojë e përdorimit nga ana e kultivuesve e një fare tjetër. Në 2025-ën sipërfaqe objekt monitorimi qe 61,1% e territorit shqiptar
Për veprën penale të kultivimit të kanabisit gjatë 10 muajve policia e shtetit ka identifikuar 191 shtetas të implikuar, nga të cilët 106 janë arrestuar, 36 janë ndaluar, 17 janë proceduar në gjendje të lirë dhe 32 janë shpallur në kërkim.
