TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Aleksandër Sadikaj, 27-vjeçari që u vra në një atentat me tritol ditën djeshme pranë rrethrrotullimit të Saukut ka pasur me vete edhe një pistoletë.
Gjatë këqyrjes së vendngjarjes policia ka gjetur dhe sekuestruar në cilësinë e provës materiale një armë zjarri pistoletë me një krehër pistolete te dëmtuar.
Nga ana tjetër janë hapur edhe kamerat e sigurisë në Tiranë në vendet ku viktima ka ndaluar para se të vritej në atentat për të kuptuar lëvizjet e tij dhe për të arritur në gjurmët e atentatorëve që e kanë ndjekur këmba këmbës dhe kanë pritur momentin kur ai ka dalë në rrugë larg automjeteve të tjera për të bërë shpërthimin e telekomanduar.
Megjithatë si pasojë e shpërthimit kanë mbetur të lënduar edhe një grua bashkë me fëmijët e saj që kanë qenë duke udhëtuar me automjet pranë vendit ku ndodhi ngjarja.
Nga hetimet e deritanishme ka dyshime se kemi të bëjmë me vrasës me pagesë për shkak të së shkuarës që kishte viktima.
