TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Dy persona janë arrestuar në Tiranë pasi janë kapur në automjet të armatosur.
Mësohet se i riu me iniciale E. I., qarkullonte me automjet i armatosur, si dhe është arrestuar po ashtu dhe shtetasi D. K., 25 vjeç, për veprën penale “Moskallëzimi i krimit”.
Policia i ka sekuestruar një armë zjarri pistoletë me krëhër dhe municion luftarak në cilësinë e provës materiale.
Njoftimi i policisë:
Tiranë
Finalizohet nga Komisariati i Policisë Nr. 6 operacioni policor i koduar “Fast”. Qarkullonte me automjet i armatosur, vihet në pranga 31-vjeçari.
Gjithashtu vihet në pranga për moskallëzim krimi, pasagjeri në mjet. Sekuestrohen një armë zjarri pistoletë me municion luftarak.
Shërbimet e Komisariatit të Policisë Nr. 6, në vijim të punës për goditjen e paligjshmërisë në fushën e armëmbajtjes pa leje, bazuar dhe në inteligjencën informative për një shtetas që qarkullonte i armatosur në Unazë të Re, menjëherë kanë organizuar punën për kapjen e tij dhe kanë finalizuar operacionin policor të koduar “Fast”.
Si rezultat i tij u arrestuan në flagrancë shtetasit:
– E. I., 31 vjeç, banues në Tiranë, për veprën penale “Mbajtja pa leje dhe prodhimi i armëve, armëve shpërthyese dhe i municionit”;
– D. K., 25 vjeç, banues në Tiranë, për veprën penale “Moskallëzimi i krimit”.
Në Unazë të Re, shërbimet e Policisë kanë ndaluar automjetin me drejtues shtetasin E. I., dhe pasagjer shtetasin D. K. Gjatë kontrollit të automjetit, gjetën një armë zjarri pistoletë me krëhër dhe municion luftarak të cilat u sekuestruan në cilësinë e provës materiale.
Materialet i kaluan Prokurorisë, për veprime të mëtejshme procedurale.
