TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia e Durrësit ka proceduar penalisht 4 persona të cilët hodhën në trotuar mbeturinat e lokaleve të tyre, duke shkaktuar ndotje të mjedisit. Sipas Policisë këta shtetas dyshohet se kanë hedhur vazhdimisht në rrugë, jashtë koshave, mbeturina të ndryshme të lokaleve të tyre.
NJOFTIMI I POLICISE
Shërbimet e Komisariatit të Policisë Durrës, gjatë kontrolleve në terren dhe në vijim të ankesave të qytetarëve, konstatuan grumbullim të paligjshëm mbeturinash në rrugë, në lagjen nr. 1 të qytetit bregdetar, duke krijuar ndotje të konsiderueshme të mjedisit përreth.
Si rezultat i verifikimeve, Policia referoi materialet në Prokurori, ku ka nisur procedimi penal për shtetasit K. K., 42 vjeç, M. Ç., 50 vjeç, P. M., 45 vjeç dhe R. U., 35 vjeç, banues në Durrës dhe Tiranë.
Sipas të dhënave zyrtare, këta shtetas dyshohet se kanë hedhur në mënyrë të përsëritur mbeturina të lokaleve që administrojnë, duke i depozituar në mënyrë të parregullt në trotuar dhe jashtë zonave të dedikuara për grumbullimin e tyre.
Materialet procedurale i janë referuar Prokurorisë Durrës, për veprime të mëtejshme ligjore.
