TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Janë publikuar fotot e autorit të vrasjes me armë gjahu, çifte, ditën e sotme në Nikël, ku mbeti i vrarë Artur Çangu, dhe si autor u identifikua Eduart Ahmataj.
Sipas Policisë së Krujës, ngjarja ka ndodhur rreth orës 18:15, në fshatin Vrion të Niklës, pas një sherri mes palëve.
Sipas informacioneve paraprake, viktima është gjetur i shtrirë në tokë në kodrat e Niklës, me trupin të kthyer përmbys dhe me shenja të dukshme plumbash.
Autori i dyshuar për vrasjen është shtetasi Eduart Ahmataj, i cili është dhëndër te kushërinjtë e viktimës dhe fqinj me të.
Po ashtu, mësohet se mes palëve ka pasur një konflikt për prona disa ditë më parë, i cili dyshohet se mund të ketë çuar në përshkallëzimin e ngjarjes.
Megjithatë, rrethanat e plota mbeten ende të paqarta, ndërsa forcat e policisë ndodhen në zonë dhe po vijojnë hetimet për zbardhjen e plotë të ngjarjes dhe kapjen e autorit të dyshuar.
Krujë/Informacion paraprak
Rreth orës 18:15, në fshatin Vrion, Nikël, dyshohet se shtetasi E. A, gjatë një konflikti për motive të dobëta ka vrarë me armë shtetasin A. C.
Shërbimet e Policisë vijojnë kontrollet për kapjen e autorit të dyshuar shtetasit E. A.
Grupi hetimor ndodhet në vendngjarje dhe punon për sqarimin e plotë e rrethanave të rastit dhe dokumentimin e plotë ligjor të tij.
