TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Qyteti historik i Krujës u kthye mbrëmjen e së martës në një qendër të rëndësishme të artit lirik, me zhvillimin e edicionit të parë të Festivalit Ndërkombëtar “Ramiz Kovaçi”.
Festivali, i organizuar në Pallatin e Kulturës “Ibrahim Bërdaku”, synon të ruajë dhe promovojë veprën e artistit të madh, duke shërbyer njëkohësisht si frymëzim për brezat e rinj që ndjekin rrugën e artit dhe muzikës.
Atmosfera festive u pasurua nga performanca live e Orkestrës Simfonike të Forcave të Armatosura, ndërsa në skenë u ngjitën edhe emra të njohur të muzikës klasike shqiptare si tenori Kastriot Tusha, “Mjeshtër i Madh”, dhe sopranoja Ramona Tollumani.
Ramiz Kovaçi konsiderohet një nga emrat më të rëndësishëm të operës shqiptare. Mes roleve më të spikatura të karrierës së tij renditen interpretimet në operat “Skënderbeu”, “Mrika”, “Goca e Kaçanikut”, “Madama Butterfly”, “La Boheme”, “La Traviata”, “Carmen” etj.
