TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deputetja e Partisë Demokratike, Jorida Tabaku ka reaguar nëpërmjet një postimi në rrjetet sociale në lidhje me diasporën shqiptare dhe samitin që po mbahet në Tiranë.
Tabaku shprehet se fatkeqësisht Shqipëria ka diasporën e tretë më të madhe në botë dhe ende sot shqiptarët vazhdojnë të largohet më shumë se vendet e Rajonit, sipas saj për shkak të Korrupsionit, mungesës së meritokracisë, cilësisë së jetesës dhe për shumë faktorë të tjerë.
Ajo shton se shpreson që forumi që mbahet në Tiranë të jetë gjithëpërfshirës për të ngritur shqetësimet e saj për tre elementë kryesorë.
Postimi i plotë:
Fatkeqësisht Shqipëria ka diasporën e tretë më të madhe në botë. Shqiptarët vazhdojnë largohen edhe sot më shumë se vendet e rajonit. Largohen prej korrupsionit, mungesës së meritokracisë, prej sistemit, prej cilësisë së jetës dhe për shumë faktorë të tjerë të cilët i kemi diskutuar, i kemi shprehur vazhdimisht. Ndërkohë që në Tiran mblidhet forumi i diasporës, unë shpresoj që ky të jetë gjithëpërfshirës, megjithëse nuk duket kështu. Diaspora nuk ka pse të jetë as e majtë as e djathtë, diaspora është shqiptare. Duhet patjetër e gjitha të jetë e përfaqësuar për të ngritur shqetësimet e saj për tre elementë kryesorë:
E para, dështimi i politikës për dhënien e mundësisë së tyre për të votuar; të një të drejte kushtetuese që ja ofron ligji, por që ja refuzon politika.
Së dyti, gjuha shqipe, arsimi ku ato ndodhen.
Së treti mundësitë, qofshin ato ekonomike, qofshin ato në biznes, në sipërmarrje, në punësim prej mungesës së meritokracisë që ka sot sistemi shqiptar.
Çdo gjë tjetër është pastaj, politikë, retorikë, propagandë. Sepse për 10 vite shumë gjëra mund të ishin bërë për diasporën, të cilat nuk janë bërë. Ato jetojnë dhe punojnë më mendjen dhe zemrën këtu në Shqipëri!
