AKTUALITET, 24 Shtator 2023, 15:14

Sulmuesit e Kosovës, Dioqeza e Rashkës: Një grup i armatosur me maska hyri brenda dhe theu derën e manastirit me një automjet të blinduar

Sulmuesit e Kosovës, Dioqeza e Rashkës: Një grup i armatosur me

Dioqeza e Rashkës dhe Prizrenit ka thënë se brenda manastirit të Banjkës ndodhen një grup nga Novisadi që kishin shkuar aty për pelegrinazh dhe pjesëtarë të tjerë të Kishës.

Sipas informacioneve që Dioqeza thotë se kanë marrë, aty një grup i armatosur me maska kanë hyrë brenda dhe kanë thyer derën e manastirit me një automjet të blinduar.

Në komunikatën e lëshuar thuhet se besimarët dhe anëtarët e tjerë të manastirit janë mbyllur në konvikt për siguri, ndërkohë që kanë treguar që persona të armatosur dhe maska kanë lëvizur nëpër oborr e herë pas herë janë dëgjuar edhe të shtëna.

Në konferencë për media edhe kryeministri i Kosovës, Albin Kurti, ka publikuar pamje të këtyre personave të maskuar e me uniforma të cilët janë pozicionuar në Manastirin e Banjkës e nga ku vazhdojnë të sulmojnë Policinë e Kosovës.

Kurti dhe ministri i Brendshëm iu kaën bërë thirrje që të dorëzohen.

KFOR-i ndërkohë ka konfirmuar se ndodhet në Banjska dhe se është i gatshëm të ndërhyjë nëse shfaqet nevoja.

Gjithashtu kanë potencuar se janë duke u përpjekur në gjetjen e një zgjidhje të shpejt dhe se për një gjë të tillë janë në bashkëibisedim me BE-në, Kosovën dhe komandantin e ushtrisës serbe.