TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ministri i Mbrojtjes Pirro Vengu gjatë raportimit të tij në komisionin për dezinformimin tha se Shqipëria kërcënohet nga lajmet e rreme ruse dhe iraniane.
“Ky manipulim informacioni nga shtete të huaja që përfshinë dezinformimin dhe propagandën, është kërcënim ndërkombëtar i sigurisë që mund të krijojë përçarje brenda dhe midis vendeve, të rrezikojë integritetin e zgjedhjeve dhe të minojë besimin e publikut ndaj qeverisë”, tha Vengu, raporton A2 CNN.
“Vendi ynë është në shënjestër të dezinformimit dhe propagandës keqdashëse. Sjell në vëmendje këtu një shembull tjetër, në momentin kur në prill 2024, Ministria e Mbrojtjes themeloi qendrën e novacionit të sigurisë dhe mbrojtjes, e pamë që në mënyrë zyrtare dhe qoftë përmes kanaleve mediatike u ringjall narrativa ruse madje përmes zëdhënëses së Ministrisë së Jashtme, Maria Zakharova, ku ajo tha se ku investim i NATO-s po etiketohet qëllimisht si një burim për kërcënime hibride në Ballkan dhe praktikisht akuzonte Shqipërinë që kishte një strategji ofensive për kërcënime hibride në Ballkan”.
Duke sjellë shembuj konkretë të ndërhyrjes së shteteve të huaja në Shqipëri, Vengu tha se strategjitë që do të përdoren kundër tyre janë ato injoruese dhe diskredituese. “Po ashtu, në muajin janar të vitit 2020, udhëheqësi i Iranit, Ajatollah Khomeini, iu referua Shqipërisë si një vend i vogël dhe djallëzor europian, një element i Amerikës me disa iranianë mercenarë që kanë shitur atdheun e tyre”, tha Vengu.
“Pavarësisht arsyet dhe tempistikës së këtyre deklaratave, është e vërtetë që shpeshherë nga këto vende, Rusia dhe Irani, jemi vënë në shënjestër dhe këto deklarata, që fillojnë fillimisht në mënyrë zyrtare. Ka shumë shtete që kanë vendosur të injorojnë përpjekjen e palëve të treta për të dezinformuar. Ta injorojnë duke mbështetur kryesisht të drejtën e fjalës së lirë. Por tashmë jemi në kushtet ku kërkohet ndërhyrja e inteligjencës artificiale për filtrimin dhe diskreditimin të elementëve dizinformues. Në gjykimin tonë si Ministri e Mbrojtjes ne duhet të përpiqemi të bëjmë një kombinim të të dyjave”
Ministri Vengu u shpreh se palë të treta përpiqen në vijimësi të evidentojnë ndasitë mes vendeve të BE, ndërsa theksoi se vendi ynë është imun në këtë aspekt.
Ai theksoi se është shumë e lehtë në këtë botë ku jetojmë, që një vend që dëshiron të ndikojë në mënyrën se si një lajm lexohet, të punësojë një “ushtri” online e të ndikojë, por se është lehtësisht e evidentueshme.
“Në aspektin e kërcënimeve që vlerësojmë, elementë të posaçme përbëjnë edhe mënyra se si vendimmarrësit mund të jenë të ekspozuar ndaj elementëve dezinformues, qoftë për t’i shantazhuar apo për të influencuar vendimmarrjen e tyre. Në një botë infokratike ku informacioni mbretëron çdo gjë, kushton relativisht lirë që një grup individësh të pajiset me një armatë trollsash online e të përpiqen të influencojnë leximin e një lajmi. E kemi parë në rastin e sulmin në Banjskë së fundmi.
E lehtë për ne të identifikojnë këto grupime dhe bashkë me partnerët të identifikojmë burimin e tyre.
Relativisht e thjeshtë që për një aktor që përpiqet të krijojë ndasi në opinionin publik, të marrë me qira disa dhjetëra mijëra trollse dhe bote online e të influencojë leximin e një gjëje të caktuar. Ky është realiteti ku jetojmë.
Ka disa vende të BE ku elitat janë të ndara dhe përpjekjet e palëve të treta për të thelluar këto ndasi, për të reaguar se ka përçarje e jo unitet, si psh për Ukrainën, është në dobi të aktorëve të tretë.
Duhet të themi se avantazhi i Shqipërisë është pikërisht këtu, pasi mendojmë se mjedisi socio-ekonomik kulturor dhe ekonomik, për disa çështje është më imun krahasim me disa vende të tjera, edhe në rajon”, u shpreh ai.
