TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Zbardhen detaje nga ngjarja e rëndë që ndodhi sot në aksin rrugor Korçë-Bilisht, në një pikë karburanti. Sipas policisë, shoferi se bashku me babain e tij kanë hyrë në pikën e karburantit për të furnizuar makinën e tyre me gaz, por i moshuari, që ishte dhe pasagjer, ka ndezur një cigare duke shkelur rëndë rregullat e furnizimit.
Si pasojë, mjeti është përfshirë nga flakët. Kanë qenë persona të tjerë përfshi dhe punonjës të karburantit që e kanë shtyrë mjetin në anën tjetër të rrugës duke e hedhur në kanal për të shmangur tragjedinë.
Babë e bir kanë pësuar djegie nga flakët dhe janë dërguar me urgjencë në spitalin e Korçës. Burime pranë këtij spitali bëjnë me dije se gjendja është e rëndë për shkak të djegieve të shumta. Policia ndodhet në vendin e ngjarjes dhe po heton për shkaqet.
