TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-kryeministri Sali Berisha deklaroi se kandidatët e Rilindjes janë të emëruar nga kryeministri Edi Rama mbi kritere mafioze. Nga Lushnja, Berisha tha se kandidatët e tij janë përzgjedhur nga një proces serioz, si primaret.
Berisha u shpreh se Rama ka bërë gjithçka që të ketë në duart e tij të gjitha pushtetet, ndërsa shtoi se ai bëri gjithçka së bashku me mercenarët e tij të ndalonte pjesëmarrjen e kandidatëve të Primareve në zgjedhje.
“14 maji, dita që çdo shqiptar pret që të vendosim pluralizmin politik. Më 14 maj paraqitemi në votime për kandidatët tanë për kryetarë bashkie, paraqitemi krenar sepse kandidatët tanë kanë dalë nga një garë pluraliste brenda partisë, me konkurrencë të ndershme brenda partisë e me votën e besimin tuaj. Përballen me përfaqësuesit e monizmit që mbulon vendin, për të cilët nuk ka votuar asnjë qytetar shqiptar e asnjë socialist, por janë emëruar mbi kritere mafioze nga Rama, njeriu që në 2 mandate ia doli të përqendrojë në duart e tij të zeza të gjitha pushtetet.
Sot çdo pushtet është në duart e një njeriut. Shqiptarët kanë njohur një varfëri të frikshme në rritje. Paratë nuk përdoren për qytetarët, por për të fryrë kontot bankare sekrete, mbushur oxhaqet, tubat e aspirimit frigoriferët e qeveritarëve.
Me mercenarët e tij mori veprime që forca jonë të mos hynte në zgjedhje, por dështoi. Megjithatë tregoi anën e tij më të errët njerëzore, më anti-demokratike. Nuk mund të vijohet me të gjitha pushtetet në duart e tij se kjo do të thotë të ecim drejt varfërisë. Ka zgjedhur një mënyrë për fushatë, asnjë ballafaqim me kandidatët rivalë. As ai vetë nuk pranon të ballafaqohet. Del burri dy metra nga një shesh në tjetrin me zorrë në gojë, ka më turp? Dhe e bën me qëllimin djallëzor që njerëzit të mos merren me vjedhjet e tij”, tha Berisha.
