TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Sali Berisha ka reaguar i entuziazmuar pas fitores së mandatit të katërt nga Viktor Orban në Hungari.
Orban njihet si mik i Putinit dhe një lider problematik për Bashkimin Europian, për shkak të tendencave autoritare.
Megjithatë ai ka të përbashkët me Berishën, urrejtjen për George Soros. Kjo ndoshta shpjegon edhe “dashurinë” e doktorit për të.
Postimi i Berishës:
Fitore e shkëlqyer e kryeministrit Viktor Orban!
Miq, dje në zgjedhjet e përgjithshme parlamentare në Hungari, kryeministri Viktor Orban dhe partia e tij Fidesz arritën një fitore spektakolare.
Ata morën 53.1% të votave kundrejt koalicionit të majtë dhe ekstrem të djathtë, të cilët morën 35% të votave.
Me këtë fitore të shkëlqyer dhe historike, Viktor Orban merr mandatin e katërt radhazi si kryeministër i Hungarisë, shpërblim ky i suksesit të madh të reformave të tij të gjithanshme.
Shqipëria dhe Partia Demokratike kanë te kryeministri Viktor Orban dhe partia e tij miqtë më të mirë të këtyre 30 viteve ndaj dhe ju ftoj të dashur miq t’i përcjellim Kryeministrit Orban dhe partisë së tij simotër e PDSH, urimet më të përzemërta për këtë fitore historike për Hungarinë.
