TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas akuzave të Berishës për korrupsion të bashkëshortit dhe vëllait të Elisa Spiropalit, ka reaguar sërish ministrja e Shtetit.
“Djali i tij (I Berishës) financon portale që nxjerrin këto lajme.
Vjen e lexon këtu si fakt. Unë e njoh kush është vëllai im, sa e ka rrogën, ku punon, ku jeton.
E njoh bashkëshortin tim, si jeton, ku punon. Njoh kunatën time. Nuk jam nga ata që nuk njohin baxhanakët. Unë mbaj përgjegjësi për të gjithë ata.
Një cent të qytetarëve nuk e kanë përfituar njerëzit e mi. Ç’mund të thuash për të tutë Sali? Jam kaq serbes.
Nuk kam për tu intimiduar. I bëj thirrje institucioneve të shohin me rradhë familjarët e tu dhe ty sepse historia të del ndryshe”, tha Spiropali.
Akuza e Berishës:
"Ndrikull Spiropali është titulli i një postimi, pas çdo fjale ka një vjedhje. Ndrikull 5 milionëshja është favoze me bashkëshortin e saj, Salarjonin, e cila ia jepte tenderat vëllait të saj që të shtoheshin milionat.
Zonja që u pasurua aq shumë në dogana saqë kudo ta prekësh para nxjerr, burrin e çoi nga ujësjellësi në tenderat e KESH. Edhe aty përsëri Salarjoni, pra në qoftë se ka një burrë dhe një grua që kanë lumturuar njeri tjetrin me para publike janë Spiropali- Toto.
Yt shoq i jep tenderin vëllait tënd. Nuk ka vjedhje më të madhe ditën për diell si kjo. Do të ta them edhe tenderin."
