TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Qindra qytetarë nga Shqipëria, Kosova dhe Maqedonia e Veriut janë mbledhur në sheshin “Skënderbej” në Tiranë, për të shprehur solidaritetin me ish-liderët e Ushtrisë Çlirimtare të Kosovës (UÇK) që po gjykohen në Hagë.
Mes të pranishmëve ishin edhe ish-përfaqësues të lartë të shtetit shqiptar, si dhe politikanë nga Kosova dhe Maqedonia e Veriut. Fotot e kapura nga LSA tregojnë momentin kur Ali Ahmeti, kreu i BDI-së dhe një nga folësit e aktivitetit, përqafohet ngrohtësisht me ish-Presidentin Alfred Moisiu.
Gjithashtu, Endrit Thaçi, djali i ish-Presidentit të Kosovës, Hashim Thaçi, u pa në shoqërinë e deputetit socialist Taulant Balla dhe kryetarit të Komunës së Prishtinës, Përparim Rama.
Në shesh dominonin flamujt kombëtarë, si dhe ato amerikanë, të Kosovës dhe të UÇK-së. Madje, busti i heroit kombëtar Skënderbeu u mbulua nga flamuri kuq e zi, duke simbolizuar unitetin dhe mbështetjen e shqiptarëve për liderët e UÇK-së.
Në këtë tubim, pjesëmarrësit shprehën mesazhe për liri, drejtësi dhe respekt për luftëtarët që sipas tyre po gjykohen padrejtësisht, duke rikthyer në vëmendje rëndësinë e bashkimit kombëtar.
