TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas lehtësimit të akuzës nga prokuroria për fisin Rraja ndaj dhunës së ushtruar për guroren në Borizanë ndaj fisit Maja, më 6 korrik, avokati Saimir Vishaj, deklaroi për mediat se dhuna e ushtruar nuk ishte dhunë barbare, siç e cilësojnë.
Duke debatuar me njërin prej të dhunuarve, Jashar Maja, që u shpreh se dhe kushëriri i tij mund të kishin vdekur nga dhuna barbare e ushtruar ndaj tyre, Vishaj tha se nuk është viktimë siç pretendon, por kërkon vetëm të marrë dëmshpërblim dhe në fund iu drejtua:
“Ça të drejte kërkon ti, je gjallë, po të donin të vrisnin të kishin vrarë”.
Ndërsa Jashar Maja u përgjigj se tani që anëtarët e fisit Rraja akuzohen për plagosje të lehtë me dashje dhe kanosje, por jo plagosje të rëndë siç u përcaktua fillimisht, e ka lënë atë të pambrojtur.
“Unë nuk di se ku duhet të ankohem dhe ku ta kiërkoj të drejtën time. Ai personi vdiq për një grusht atje në Vlorë. Unë dhe vëllai im mund të ishim të vdekur sot, kishte mundësi të ishim viktima,” – u shpreh Maja.
Për këtë ngjarje ka reaguar sot edhe Arlind Qori, kryetar i “Lëvizja Bashkë”. Ai thotë se në Shqipëri po përhapet me të shpejtë një ide sa e rrezikshme, aq edhe disfatiste, e përmbledhur "për bukuri" nga avokati se: "Po të donin të të vrisnin, do ta kishin bërë."
Reagimi i Qorit
Në Shqipëri po përhapet me të shpejtë një ide sa e rrezikshme, aq edhe disfatiste, e përmbledhur "për bukuri" nga avokati i farefisit të ish-deputetit të Partisë Socialiste Rrahman Raja: "Po të donin të të vrisnin, do ta kishin bërë." Domethënë, përpara gangsterëve ti si qytetar je komplet i pafuqishëm, shteti është me brekë nëpër këmbë, në mos bashkëpunëtor i tyre. Ndaj jetën e ke falë mëshirës së tyre. Madje fakti që s'të kanë vrarë akoma, të bën me faj ty si viktimë potenciale. "Hë pse s'të kanë vrarë akoma?! Pse nuk u ka lindur dëshira të të heqin qafe?! Mbase sepse nën rrogoz u shërben atyre?!"
Kjo është logjika perverse që shënon triumfin e gangsterëve dhe padronëve të tyre politikë. Ty, viktimë e sotme ose e nesërme e drurit të tyre, duhet të të vijë turp që jeton akoma.
