TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ministrja e Jashtme, Olta Xhaçka, ka kujtuar sot 25-vjetorin e prezencës së OSBE-së në vendin tonë. Me anë të një postimi në rrjetet sociale, ministrja ka shprehur mirënjohjen për rolin e OSBE-së në vendin tonë dhe mbështetjen që ka dhënë në reformat e rëndësishme.
Xhaçka shkruan se kjo traditë e shkëlqyer bashkëpunimi po vazhdon nën drejtimin e ambasadorit të OSBE-së në vendin tonë, Vincenzo Del Monaco
“25 vjet nga prezenca e OSBE në Shqipëri. Një çerek shekulli në të cilin Shqipëria ka evoluar nga anarkia e vitit 1997 në një vend që mbajti një Kryesi të suksesshme të OSBE-së dhe aktualisht qëndron në KS të OKB- së.
Shqipëria i është mirënjohëse OSBE- së për rolin e saj në këtë transformim dhe mbështetjen e vlefshme për reformën ligjore, zgjedhore, administrative dhe pronësore si dhe qeverisjen e mirë, luftën kundër korrupsionit dhe ngritjen e kapaciteteve në të gjitha fushat.
E lumtur që kjo traditë e shkëlqyer bashkëpunimi po vazhdon nën drejtimin e ambasadorit Vincenzo Del Monaco, i cili po shkon përtej thirrjes së detyrës për të mbështetur prioritetet e përbashkëta, si Gratë, Paqja dhe Siguria”, shkruan Xhaçka.
