TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama e ka quajtur “arsye të mos-arsyes”, refuzimin e Kosovës, Malit të Zi dhe Bosnje Hercegovinës, për të marrë pjesë në nismën rajonale të “Ballkanit të Hapur”.
Gjatë konferencës për shtyp në Beograd, Rama tha se “Ballkani i Hapur” është i hapur dhe gjithëpërfshirës për të gjitha vendet dhe se nisma nuk është në kundërshtim me Procesin e Berlinit, por është “një njësi e zabtimit” të këtij procesi.
“Procesi i Berlinit ka mbetur në rrugë cdo vit dhe në pamundësi të bëhen ato që thuhen është krijuar kjo nismë. Nuk është asgjë tjetër vecse një njësi e zbatimit të procesit të Berlinit duke përshpejtuar dhe monitoruar zbatimin.
Ballkani i Hapur nuk është për tre vende por për të gjashta.
Ndryshe nga Procesi i Berlinit, nuk merret dot peng nga asnjë vend, sepse përcakton qartë që cilido prej vendeve që do të ecë më shpejtë mund ta bëjë pa pritur konsensus sikur jemi karikaturë e Këshillit Europian.
Ballkani i Hapur është i hapur, gjithëpërfshirës dhe është i të gjithëve.
Por, as Shqipëria, as Serbia dhe as Maqedonia e Veriut, nuk do të presin që të binden të gjithë të tjerët. Arsyet përse të tjerët janë skeptikë apo refuzues, i kam dëgjuar. I kam dëgjuar dhe janë arsye të mos-arsyes“, tha Rama.
Edi Rama në Beograd: Thelbi i “Open Balkan”, integrimi i tregjeve tona dhe mirëqenia e njerëzve!
