TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Anëtari i Komisionit Hetimor për zgjedhjet e 25 prillit, Gazment Bardhi, ka denoncuar përfaqësuesit e mazhorancës, të cilët, sipas tij, kanë bojkotuar mbledhjen e radhës të këtij komisionit.
Në një reagim në rrjetet sociale ku ka publikuar edhe foto nga salla e mbledhjeve në Kuvend, ku karriget e anëtarëve të PS janë bosh, Bardhi thotë se ky veprim nuk do pengojë opozitën “për të faktuar vjedhjen e zgjedhjeve”.
Bojkoti i Komisionit Hetimor për masakrën zgjedhore të 25 Prillit nga anëtarët e Partisë Socialiste është dëshmi e qartë e papërgjegjshmërisë së tyre në raport me interesin e qytetarëve.
Edhe pse kërkuan vetë që mbledhja e Komisionit të vijonte në datën 20, sot zgjodhën bojkotin.
Është e qartë që ato që vodhën zgjedhjet, përdorën krimin dhe paratë e korrupsionit për të blerë vota, që përdorën shtetin në zgjedhje, nuk kanë interes për të faktuar masakrën zgjedhore.
Opozitën nuk e pengojnë dot në ushtrimin e të drejtave dhe përgjegjësive të saj për hetimin parlamentar të masakrës zgjedhore të 25 Prillit.
