TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Me rastin e 11 vjetorit të Pavarësisë së Kosovës, kryetarja e LSI-së, Monika Kryemadhi ka postuar një mesazh urimi në “Facebook”.
Kryemadhi shkruan se është detyrë e të gjithëve lartësimi i figurave dhe luftëtarëve që kontribuuan për pavarësinë e Kosovës.
Kryemadhit thotë se e ardhmja euroatlantike e Kosovës është një rrugë dhe aspiratë pa kthim.
“Urime Kosovë ?? teksa hyn në dekadën e dytë të pavarësisë e sovranitetit.
Në këtë ditë të pavarësisë është detyrë e të gjithëve ne, lartësimi i figurave dhe luftëtarëve që kontribuuan dhe sakrifikuan edhe jetën për realizimin e këtij misioni epokal për Kosovën.
Vlerësimet më të larta për qytetarët e Kosovës që të gjithë së bashku me të zgjedhurit e tyre konsolidojnë çdo ditë shtetin e lindur me aq mund.
E ardhmja euroatlantike e Kosovës është një rrugë dhe aspiratë pa kthim dhe ne të gjithë do të jemi në krah të saj për përmbushjen e kësaj ëndrre të vëllezërve e motrave tona në Kosovë. Ta gëzosh përjetë këtë ditë të madhe Kosovë!”, shkruan Kryemadhi.
