TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gazetari Ylli Rakipi, i ftuar në studion e gazetares Mirela Milori në ABC News, ka komentuar edhe veprimet e opozitës, në një vend ku është instaluar një regjim. Sipas Rakipit, opozita është teatrale dhe nuk ka demonstruar forcë për t'u përballur me regjimin.
Rakipi komentoi edhe ish kryeministrin Sali Berisha, duke thënë se ai kurrë nuk kuptoi se në thelbin e këtij sistemi është gara dhe se sot PD, po vuan pikërisht mungesën e garës.
"Regjim që të rrëzohet vetë në botë nuk ka. Do forcë të opozitës. Nuk do opozitë teatrale, jo opozitë që të presë Ramën. Opozita nuk mund të presë Ramën. Mënyra si e ka ndërtuar Rama pushtetin, nuk bie vetë. Lufta e opozitës nuk bëhet duke mbledhur nga 20 studentë në qytetet e Shqipërisë dhe të flasësh për mbiemrin e Ballës.
Edi Rama nuk ka ku shkon, nuk kthehet dot mbrapsht. Për të gjitha ato që kanë ndodhur dhe me çfarë është bërë, ky është ankthi i Ramës. Rama në përgjithësi, është në të drejtën e vetë të thotë, kjo është mënyrë ime dhe do të qëndroj.
Berisha është njeriu më i fortë i këtyre 30 viteve, sigurisht me dritëhijet e veta. Berisha duhet të kuptonte që cdo gjë në këtë sistem është garë dhe kjo fillon tek partitë, të lejosh garën, që të dalin përfaqësues të vertëtë, të cilët më pas ndihmojnë edhe partinë.
Rama për mua është një bizantin, por i ka marrë të gjitha vetë, me mënyrat e veta, me forcë, me këmbëngulje, me gjithë punën e vetë. Ndërsa ti zoti Basha, ku e ke punën?", u shpreh Rakipi. /TPZ.al/
LEXO EDHE:
https://www.tpz.al/2019/11/21/ylli-rakipi-presidenti-eshte-institucioni-i-fundit-qe-regjimi-nuk-ka-kapur-nderkombetaret-jane-bere-pale-me-ramen/
https://www.tpz.al/2019/11/21/video-intime-e-ambasadorit-ylli-rakipi-nese-eshte-e-vertete-duhet-publikuar-te-mos-perdoret-per-shantazh/
