TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një rrufe goditi Qendrën Korrektuese Grafton në Ohio të SHBA-së, duke plagosur 16 të burgosur. Ngjarja ndodhi të martën në mbrëmje, teksa të burgosurit po ktheheshin nga darka.
Sipas raportimeve nga mediat e huaja, të gjithë të plagosurit u dërguan në spital për të marrë ndihmë mjekësore, ndërsa njëri prej tyre u transportua me helikopter. Deri tani, nuk është raportuar për viktima.
Autoritetet nuk kanë bërë të ditur nëse të burgosurit u goditën drejtpërdrejt nga rrufeja apo u dëmtuan si pasojë e shkarkimit elektrik.
Incidenti ndodhi gjatë një stuhie të fuqishme që përfshiu disa shtete të Midwest-it, përfshirë Ohio, Illinois dhe Indiana. Moti i keq shkaktoi ndërprerje të mëdha të energjisë dhe dëme në disa zona.
Dy tornado në Çikago
Situata meteorologjike ishte veçanërisht e rënduar edhe në Çikago, ku u raportuan dy tornado ndërsa stuhitë goditën qytetin dhe zonat përreth.
Ndërkohë, në Indiana, erërat arritën shpejtësinë deri në 159 kilometra në orë, duke shkaktuar dëme dhe ndërprerje të energjisë.
Stuhitë shkaktuan gjithashtu ndërprerje masive të energjisë, duke lënë qindra mijëra persona pa energji elektrike.
Për shkak të intensitetit dhe shtrirjes së fenomenit, sistemi i stuhive po merret në konsideratë për t’u klasifikuar si një “derecho”, një fenomen meteorologjik relativisht i rrallë, por potencialisht shumë shkatërrues.
Një derecho është një sistem i gjerë dhe afatgjatë stuhish të forta, i cili shoqërohet me erëra jashtëzakonisht të fuqishme në vijë të drejtë dhe mund të shkaktojë dëme në një zonë shumë të madhe gjeografike.
?More than 600,000 people were left without power as severe storms and tornadoes swept across Illinois and Indiana, USA.
— Global Brief (@globalbrief_now) August 12, 2026
Two tornadoes hit Chicago, while winds in Indiana reached 159 km/h. In Ohio, lightning struck a prison, injuring 16 inmates and killing one person. The storm… pic.twitter.com/pk1ZyyoEOu
