TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një 25 vjeçar është ekzekutuar me armë zjarri mesnatën e së hënës nga një efektiv policie.
Viktima është Klodjan Rasha, i cili është qëlluar për vdekje në rrugën “Dritan Hoxha”.
Sipas efektivit të policisë, i riu është qëlluar pasi nuk i është bindur urdhrit të policisë, por lidhur me këtë do të ketë një hetim të SHÇBA dhe Prokurorirsë së Tiranës.
Ngjarja ka ndodhur rreth orës 01:45. Gjatë patrullimit në rrugën “Dritan Hoxha”, është konstatuar një shtetas i cili, sipas policisë, "kryente veprime të dyshimta dhe nuk i është bindur urdhrit të Policisë për të ndaluar".
Familjarët e 25 vjeçarit pretendojnë se ai nuk ka patur armë zjarri me vete.
Ndërkohë, Avokati i Popullit ka bërë thirrje për hetimin e plotë të ngjarjes.
Reagimi i plotë:
AVOKATI I POPULLIT HETON MBI RASTIN E VRASJES SË NJË TË RIU NGA POLICIA
Avokati i Popullit u njoh mëngjesin e sotëm nga mediat me lajmin e vrasjes së një të riu me iniciale K.R, 25 vjeç nga një punonjës i Policisë së Shtetit me armë zjarri.
Për hetimin e kësaj ngjarjeje është përfshirë Shërbimi për Çështjet e Brendshme dhe Ankesat dhe Prokuroria.
Ndërkohë nga Avokati i Popullit ky rast do të ndiqet me prioritet në vijim, me qëllim zbardhjen sa më shpejt të së vërtetës, duke u kryer një hetim i plotë e i gjithanshëm nga organet kompetente.
E drejta për jetën e çdo njeriu duhet të prevalojë në çdo rrethanë e situatë e të mbrohet me ligj!
