TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ndërkohë që policia konfirmoi sot se 49-vjecari që u mor peng në Kamzë, gjeti vdekjen që atë ditë, pas dhunës dhe humbjes së gjakut, teksa e transportonin drejt resortit ku do të mbahej, reagon për herë të parë familja e viktimës.
Kunati i tij, Mark Suli, burri i motrës së viktimës, ka thënë se “policia na thirri mbrëmë e na tha se ai nuk jeton më”, raporton News 24.
Sipas tij, ai nuk ka pasur asnjë konflikt me askënd. “Nuk i njohim të arrestuarit, as ne as personi që është marrë peng, as ka pasur asnjë lloj llogarie me ta” – ka thënë më tej ai, duke i bërë apel shtetit.
“Shteti të gjejë trupin sa më shpejt dhe ta sjellë atë në shtëpi. Autorët të vihen para drejtësisë”- ka thënë ai, duke deklaruar se informacionin e kanë marrë vetëm nga policia.
