TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një djalë nëntë vjeçar ka humbur jetën në Francë, pas tre vdekjeve të raportuara në Nju Jork, nga një sëmundje e rrallë që besohet të jetë e lidhur me koronavirusin. Kjo është vdekja e parë në Francë nga sindroma që po hetohet në New York dhe Londër.
Fëmija vdiq pas një “dëmtimi neurologjik të lidhur me një atak kardiak”, tha Fabrice Michel, kreu i njësisë së kujdesit intensiv pediatrik në spitalin La Timone në qytetin e Marsejës, raporton France 24.
Djali ishte testuar pozitiv me koronavirus dhe ishte shtruar në spital ku mori trajtim për shtatë ditë. I vogli humbi jetën të shtunën. Michel, mjeku pediatrik në Marsejë, theksoi se sëmundja është e rrallë.
Në tre javët e fundit, disa vende kanë raportuar raste të fëmijëve të prekur nga një sëmundje inflamatore me simptoma të ngjashme me ato të një gjendje të rrallë e quajtur sëmundja e Kawasaki. Shkencëtarët besojnë se ajo është e lidhur me Covid-19.
