LEXO PA REKLAMA!

SHKARKO APP

App Store
Google Play
MERR NJOFTIME NGA TPZ.AL
NDIQ TPZ NE YOUTUBE NDIQ TPZ NE FACEBOOK

TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.

FLASH!

SPORT, 14 Tetor 2025, 21:09

Shqipëria “shkatërron” Jordaninë në “Air Albania”, Broja rikthehet me gol, Hoxha firmos një europerlë!

TPZ

Shqipëria “shkatërron” Jordaninë në “Air

Shqipëria ka dhuruar spektakël në “Air Albania”, duke mundur Jordaninë 4-2 në një miqësore që shërbeu si test i vlefshëm për trajnerin Sylvinho në prag të ndeshjeve të kualifikuesve të Botërorit 2026.

Pas suksesit të madh ndaj Serbisë, kuqezinjtë treguan sërish fuqi, karakter dhe lojë sulmuese, përballë një kundërshtari që ka siguruar pjesëmarrjen në Kupën e Botës.

Miqtë kaluan në epërsi në minutën e 27-të me golin e Nizar Al Rashdan, por kuqezinjtë reaguan menjëherë dhe barazuan në minutën e 40-të, falë një autogoli të Mo Abualnadi, pas një aksioni të bukur të Nedim Bajramit.

 

Në pjesën e dytë, loja mori ngjyra të tjera. Armando Broja, sapo hyri në fushë, shënoi në minutën e 65-të, duke rikthyer ndjesinë e golit dhe entuziazmin te tifozët.


Më pas, Arbër Hoxha realizoi një eurogol spektakolar nga distanca (75’), ndërsa Bajrami (79’) vulosi fitoren pas një asisti elegant të Brojës.

Goli i Ali Olwan në fund (90’) shërbeu vetëm për statistikë, teksa Shqipëria regjistroi fitoren e katërt radhazi dhe dërgoi një tjetër mesazh force përpara ndeshjeve të nëntorit.

Rezultati përfundimtar:
Shqipëri 4–2 Jordani
Al-Rashdan 27’, Abualnadi (A.G.) 40’, Broja 65’, Hoxha 75’, Bajrami 79’, Olwan 90’.

Ndeshja e radhës: 13 nëntor – Andorrë – Shqipëri, për “Play Off”-in e Botërorit 2026.