TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Arlind Ajeti kthehet përsëri në futbollin italian, pesë muaj pas eksperiencës së fundit atje me fanellën e Rexhianës në Serinë B. Mbrojtësi i përfaqësueses shqiptare, vazhdon me ritualin e tij të çuditshëm ku kombinon aktivizimin e rregullt me muaj të tërë i zhdukur nga harta futbollistike.
Mbrojtësi sot ka zyrtarizuar rikthimin në Itali, por duke zbritur në kategori, pasi tashmë do të jetë pjesë e Padovës në Serinë C.
“Padova bën të ditur se në ditën e sotme ka formalizuar akordin me futbollistin shqiptar me shtetësi zvicerane, Arlind Ajeti. Ajeti ka nënshkruar me klubin një kontratë njëvjeçare me të drejtë rinovimi”, shpjegonte Padova në njoftimin për firmën e Ajetit.
Situata e çuditshme e Ajetit ka bërë që futbollisti i cili shihej si një titullar i paprekshëm në radhët e kuqezinjve pas Euro 2016, të zhdukej për disa kohe nga grumbullimet kuqezi, duke luajtur rrallëherë në tre vitet e fundit. Hera e fundit që ai ka luajtur me kombëtaren shqiptare ishte suksesi 2-0 në San Marino në marsin e këtij viti.
