TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Denzel Dumfries i është nënshtruar një ndërhyrjeje kirurgjikale për të zgjidhur problemin me kyçin e këmbës së majtë, i cili e ka shqetësuar që prej muajit nëntor.
Klubi i Interit ka konfirmuar zyrtarisht se pasditen e së martës, më 16 dhjetor, anësori holandez është operuar në Londër, ku ndërhyrja kishte për qëllim stabilizimin e kyçit të këmbës.
Sipas deklaratës së klubit zikaltër, Dumfries do të ndjekë një program rehabilitimi gjatë javëve në vijim, ndërsa koha e rikuperimit mbetet ende e paqartë. Megjithatë, parashikohet që mungesa e tij të zgjasë jo më pak se dy deri në tre muaj.
Mungesa e gjatë e Dumfries pritet të ndikojë në planet e Interit për pjesën e mbetur të sezonit, duke i shtyrë drejtuesit e klubit të rikthehen në tregun e transferimeve gjatë afatit të janarit. Objektivi kryesor do të jetë afrimi i një mbrojtësi të djathtë për të mbuluar boshllëkun e krijuar nga dëmtimi i anësorit holandez.
Interi pritet të vlerësojë disa alternativa në javët në vijim, ndërsa stafi teknik do të monitorojë nga afër procesin e rikuperimit të Dumfries.
