TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kristjan Asllani akoma nuk është larguar nga Torino, edhe pse mbetet jashtë planeve të klubit. Interi duhet të gjejë fillimisht destinacionin e ri, për të pranuar mbylljen e huazimit te rivalët e Seria A.
Deri tani janë përmendur disa emra si Paris FC, Zhirona, Sasuolo, Parma dhe Fiorentina ku Asllani është propozuar nga zikaltrit. Interesimet nga Zhirona dhe Sasuolo duket se nuk kanë vëmendjen kryesore të Asllanit.
Mesfushori i Kombëtares refuzonte që të largohej nga Seria A në verë. Po ashtu në Itali u raportua se nuk aprovon kalimin te Sasuolo.
Për këtë nuk do të jetë e lehtë, që të gjehet klubi i ri. Interi synon që ta huazojë, me opsion blerjen e kartonit në fund të sezonit.
Asllani ishte titullar i rregullt te Torino, deri në dy sfidat e fundit. Përballë Veronës dhe Udinezes nuk mori asnjë minutë, duke qëndruar në stol.
