TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gruaja e Nesim Haradinajt, Gjejlone Haradinaj ka folur për Vitin e Ri pa bashkëshortin e saj në krah. Në një intervistë për Gazetën Ekspress, ajo ka thënë se më parë e kanë organizuar gjithmonë Vitin e Ri me familjen e Nesimit në shtëpinë e tyre në fshatin Gllogjan të Deçanit. Ajo ka kujtuar momentet kur kalonin të lumtur të gjithë së bashku me prindërit e Nesimit dhe me fëmijët.
“Kur kanë qenë fëmijët të vegjël të gjithë e kemi organizuar vitin e ri me familjen e Nasimit, vëllezërit, babanë e nënën. Kemi organizuar në një lokal të banesës sonë çdo herë. Me këngë e valle. Kuptohet Nasimi e babai i tij i ndjerë me sharki e çifteli duke kënduar. Ishin kohëra shumë të mira së bashku”, tha Gjejlone.
Gucati dhe Haradinaj u arrestuan më 25 shtator, si të dyshuar nga Zyra e Prokurorit të Specializuar, me mbështetjen e EULEX-it dhe policisë së Kosovës. Më pas ata u transferuan në objektin e paraburgimit të Dhomave të Specializuara të Kosovës në Hagë.
