Nuk ka mrekulli në Gllazgou, pasi Shqipëria është mundur me rezultatin 2-0. Skuadra e Kristian Panuçit është treguar jo vetëm e pafuqishme ndaj skuadrës nga Britania e Bashkuar, por dhe e frikësuar, pasi në pjesën e parë ishte shumë e “turpshme” dhe grupi që të provonte për të rrezikuar, aq sa porta e kundërshtarëve nuk u godit në asnjë moment në 45 minutat e para. Ishte me fat skuadra kuqezi në pjesën e parë, pasi vendasit jo vetëm që ishin më kërkues dhe krijuan raste për shënim, por goditën edhe shtyllën me anë të Neismith, i cili nga brenda 5-metërshit ishte i pasaktë. Thuhet se fati ndihmon më të mirin dhe në “Hampden Park”, vendasit ngulmuan derisa e gjetën golin e parë. Vetëm 2 minuta pasi kishte nisur pjesa e dytë Robertson harkoi bukur nga e majta, Neismith provoi me kokë, por Gjimshiti e devijoi, por jo mjaftueshëm për të evituar golin. Edhe pse kuqezinjtë u zgjuan disi dhe nisën që të reagonin, por u ndëshkuan sërish, pas dy rasteve që patën si iniciator Balajn dhe Lilajn. Nëse në rastin e parë nuk mori meritat e golit, pasi u quajt si autogol, Neismith u kujdes që këtë herë ta çonte vetë topin në rrjetë. Pas një harkimi sërish nga e majta, mbrojtja e Shqipërisë nuk largoi siç duhej dhe lojtari skocez festoi golin e dytë për skuadrën e tij. Pas kësaj humbje, skuadra zbret në vendin e dytë në grupin e parë të Ligës C, ndonëse me pikë të barabarta me Skocinë. E vetmja gjë që mund të veçohet në këtë sfidë është pa diskutim tifozeria kuqezi.

Skoci 2-0 Shqipëri

Shënues: Gjimshiti (autogol) 47′,Naismith 68′

Minutë pas minute

68' GOL 2-0. Shenon Naismith.

47′ GOL Skocia 1-0. Autogol i Xhimshitit.

46′ Starton pjesa e dytë, Panuçi kryen zëvendësimin e parë. Largohet Gavazaj në fushë Prenga.

45' Mbyllet pjesa e parë: barazim pa gola. 0-0. 43′ Memushaj merr një top në mesfushë dhe niset nga zona duke goditur në hyrje, por topi përfundon jashtë. 41′ Shënon golin e parë Skocia, por pozicioni është i parregullt. 38′ Memushaj merr një aksion nga e djathta dhe fiton një goditje nga këndi. 31′ Memushaj merr një top në të djathë, por nuk arrin të kordinohet për të krosuar dhe e kthen mbrapsht te Ndoji, i cili ia jep prapë Memusahjt që kroson, por shkakton faull Balaj në zonë. 25′ Krosim në zonë nga një goditje nga këndi dhe topi që vjen në shtyllë shpëton Shqipërinë nga goli i parë. 22′ Mundësi e mirë për Shqipërinë me anë të Sabien Lilajt i cili godet nga jashtë zonës, por topi shkon mbi traun e portës. 20′ Dominim total i Skocisë në këto 20 minuta të para, raste pa fund te porta e Shqipërisë. 17′ Mundësi e shkëlqyer për Skocinë, por është Gjimshiti ai i cili na shpëton nga një gol i sigurt pas një këmbëngulje të gjatë të vendasve. 14′ Mundësi e mirë për Shqipërinë, Gavazaj në hyrje të zonë provon një krosim, por e çon topin në duart e portierit. 13′ Robertson hyn në zonë dhe mundohet të krosojë një top, por e çon jashtë. 10′ Goditje dënimi në favor të Skocisë, por pret Strakosha në dy kohë. 4′ MekGregor godet fort në portë, por Strakosha largon në këndore. Krosohet topi në zonë, por pas një rrëmuje në zonë, topi përfundon jashtë. 3′ Goditje dënimi në favor të Skocisë. E shkakton Binaku. 1′ Ka nisur takimi Shqipëria e drejtuar nga Christian Panucci do të luajë sonte kundër Skocisë në “Hampden Park” ndeshjen e dytë të Ligës së Kombeve. Skuadra kuqezi, duke u bazuar në deklaratat e trajnerit italian, ashtu si në sfidën e parë kundër Izraelit do të kërkojë të marrë 3 pikët edhe në këtë takim pavarësisht se luhet në transfertë. Për 90 minutat në Glasgou Panucci ka zgjedhur të bëjë disa ndryshime në formacion, në krahasim me sfidën e parë. Ashtu siç është raportuar me herët vendin e Bashës në mesin e fushës do ta zë Lilaj. Ndoji ka marrë vendin e Hykës, ndërsa Balaj vendin e Gurit. Formacionet zyrtare Shqiperia: Strakosha, Binaku, Hysaj, Veseli, Gjimshiti, Memushaj, Ndoj, Lilaj, Xhaka, Balaj Skocia: A. McCregor, O’Donnell, Robertson, Souttar, Mulgrew, Tierney, McGinn, McDonald, Naismith, McGregor, Russell