TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Aktori i njohur shqiptar, Ervin Beljeri, ka hedhur akuza mbi kryeministrin, Edi Rama për sa i përket shembjes së Teatrit Kombëtar në Tiranë.
Ndërsa ka qenë i ftuar ditën e sotme në emisionin e mëngjesit “Ditë e Re” në RTV Ora, ai ka thënë se, ai habitet me vendimet e Ramës, që pavarësishrt se ka kaluar pjesën më të bukur të jetës në Akademinë e Arteve, ku ka punuar si pedagog, “ka një urrejtje të tillë ndaj sojit të vet.”
Ndër të tjera ai ka thënë se Rama po merr hak ose është një lajthitje, duke shtuar se nuk psikolog që ta zbërthej, por sipas tij nuk vendimi i duhur që ka marrë.
“Kam qenë që në fillesat e protestave për mbrojtjen e teatrit. Protesta nuk ishin vetëm për mbrojtjen e teatrit, unë isha i përfshirë në një protestë shumë herë më të madhe të artistëve, që kanë të bëjnë me statusin e artistit, me ligjin mbi artin dhe kulturën që nuk ekziston në Shqipëri. Nuk e di, duhet të ketë probleme ky personazh. Është shumë e çuditshme, të kalosh pjesën më të bukur të jetës tënde në Akademinë e Arteve, të kesh punuar pedagog aty edhe të kesh një urrejtje të tillë ndaj sojit tënd nuk e di domethënë. Ose do kesh vuajtur dikur, të kanë bërë keq dhe erdhi momenti që t’i po merr hak ose është një lajthitje ose nuk e di, nuk jam psikolog që ta zbërthej, por duket pak e çuditshme që të kesh këtë urrejtje dhe ta lesh pikërisht gjënë që t’i ke investuar më shumë në jetë në pjesën më të bukur të jetës ta lesh pasdore e aq më tepër ta luftosh.”- ka thënë Bejleri në emisionin ‘Ditë e Re’.
Mëngjesin e 17 majit ëndrra e Ramës dhe u shemb Teatri Kombëtar. Policia ndërhyri me forcë dhe dhunoi protestuesit që në orët e para të mëngjesit, ku disa u tërhoqën zvarr. Po ashtu shumë artsitë e politikanë që ishin u shoqëruan në Komisariat.
