TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Masa të shtuara sigurie dhe gjendje gatishmërie nga policia për protestën e sotme të opozitës së bashkuar.
Gjatë protestës së sotme të thirrur nga opozita do të jenë të angazhuar për ruajtjen e qetësisë mbi 1000 efektivë policie. Ndërkohë që ka nisur rrethimi me skela në pjesën e pedonales dhe është rrethuar po ashtu edhe Kuvendi.
Në ruajtje nga Policia e Shtetit do të merret edhe godina e Kryeministrisë, pasi gjatë protestës mund të ketë thirrje që të orientojë protestuesit drejt godinës së Këshillit të Ministrave.
Parlamenti i Shqipërisë sot do të jetë i blinduar dhe nën masa të rrepta sigurie.
Ndërkohë që protesta e paralajmëruar nga opozita ka kaluar në gjendje gatishmërie Policinë e Shtetit.
Kujtojmë se Ministri i Brendshëm, Sandër Lleshaj dhe drejtuesit e Policisë së Tiranës, ndonëse i kanë refuzuar lejen për zhvillimin e protestës opozitës, kanë marrë të gjitha masat për të mos lejuar asnjë incident në tubimin e paralajmëruar sot para sallës se seancave plenare.
