TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Arilena Ara dhe Popi Kola, menaxheri i saj, prej kohësh përfliten për një lidhje dashurie, por asnjëri prej tyre nuk e ka konfirmuar një gjë të tillë.
Ndonëse i kanë mohuar zërat se po shijojnë një romancë bashkë, ata shpesh janë fotografuar shumë të afërt dhe postimet e tyre në media sociale i bëjnë lëmsh të gjithë.
Së fundmi, këngëtarja i ka uruar ditëlindjen Popit, duke publikuar një foto të tyre në Instagram-in e saj, ku shihet duke i dhuruar një puthje në faqe.
“Gëzuar ditëlindjen njeriut, të cilin me krenari e thërras Babi”, ishin fjalët e artistes krahas postimit.
Arilena ka humbur të atin kur ishte ende e vogël dhe dhimbja që ndjen është e madhe, prandaj Popi, të cilin zgjedh ta quajë ‘babi’, ka një vend shumë të rëndësishëm në zemrën e saj.
Sipas “Panorama Plus”, miq të afërm të çiftit tregonin se ata e kanë zyrtarizuar lidhjen, duke u prezantuar edhe te familjet e tyre si partnerë e duke u dhënë fund kohëve kur prezantoheshin thjesht si bashkëpunëtorë në punë.
Rreth një muaj më parë, paparazzi i fotografoi të dy në një nga rrugët kryesore të Tiranës, teksa bënin shopping.
Dyshja janë njohur në kohën kur Arilena merrte pjesë në “X Factor”, ndërkohë që Popi punonte aty.
