TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Zëvendës- Ndihmës Sekretari Amerikan të Shtetit, Matthew Palmer ka folur së fundmi për ish- të dërguarin e SHBA-së për dialogun Kosovë-Serbi, Richard Grenellin.
Në një intervistë për RTV Dukagjini, Palmer është pyetur për raportet e Grenellit me Kurtin dhe debatet nga distanca që kanë pasur së fundmi, ku është shprehur se Grenell është vetëm një qytetar i thjeshtë amerikan.
“Duhet të flisni me Rick-un për këtë. Ambasadori Grenell është qytetar privat. Nuk mund të flas për pikëpamjet e tij apo kë e përfaqëson”, tha Palmer.
I pyetur nëse pikëpamjet e Grenellit përfaqësojnë pikëpamjet e SHBA-ve për Kurtin, Palmer përsëri ka insistuar se ai është qytetar i thjeshtë.
“Ambasadori Grenell nuk e përfaqëson qeverinë amerikane. Ai është qytetar i thjeshtë ”, tha mes tjerash Palmer.
Ndaj Richard Grenellit ka pasur reagime të shumta nga diplomatët e huaj, pasi ai kritikoi Albin Kurtin.
