TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Yjet e Hollivudit po brohorasin me zë të lartë për presidentin e ri të Shteteve të Bashkuara të Amerikës, Joe Biden.
Nga Priyanka Chopra Jonas, Jennifer Aniston, Sophie Turner te Jennifer Lopez, të gjithë shihen duke festuar fitoren e Biden.
Kandidati i Partisë Demokratike mundi republikanin Donald Trump në një betejë të ngushtë për postin presidencial.
Dhe kjo duket se ka entuziazmuar edhe më tepër përkrahësit e Biden, i cili njihet për rrugëtimin e gjatë në skenën politike të Shteteve të Bashkuara.
Këngëtarja dhe aktorja e njohur Jennifer Lopez postoi para pak çastesh në Instagram një video ku shihet duke kërcyer dhe tejet sensuale, të shoqëruar me mbishkrimin: Gjendje! President Joe Biden! Zv/ presidente Kamala Harris!
Priyanka Chopra Jonas ndau në rrjet një foto të kanalit televiziv CNN, teksa trajton lajmin e fitores së Joe Biden dhe Kamala Harrisit.
Ish-mbretëresha e bukurisë shkroi:
“Amerika foli në thyerje rekord dhe vendimi është në çdo votë të numëruar. Unë duartrokas të gjithë ata që votuan në atë që ishte një shfaqje kaq e fuqishme se si duhet të funksionojë një demokraci.
Ishte mahnitëse parja e këtyre zgjedhjeve në SHBA. Urime për presidentin e zgjedhur Joe Biden dhe zëvendës presidenten Kamala Harris, gruaja e parë në këtë post. Vajza, çdo gjë mund të ndodhë!”
