TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mbretëria e Bashkuar është në zi!
Mbretëresha Elizabeth II ka ndërruar jetë në moshën 96 vjeçare.
Ajo ndërroi jetë në Kështjellën Balmoral në Skoci. Pranë Mbretëreshës ndodheshin pjesëtarë të afërt të familjes së saj.
Mbreti i ri është djali i saj, Charles III.
Në Pallatin Buckingham Palace në Londër janë mbledhur qytetarë të shumtë për të nderuar Mbretëreshën.
Mbretëresha Elizabeth II, erdhi në fron në vitin 1952 dhe shërbeu me devotshëmi si një figurë e respektuar jo vetëm në Mbretërinë e Bashkuar por edhe në mbarë botën.
Elizabeth u bë Mbretëreshë në moshë mjaft të re, pasi babai i saj Mbreti George VI ndërroi jetë në moshën 56 vjeçare, duke i lënë asaj një detyrë mjaft të vështirë, të cilën e kreu me mjaft sukses, duke shërbyer me përgjegjësi dhe mbi të gjitha me përulësi në fron.
Ajo ka përcjellë 15 kryeministra duke filluar me Winston Churchill dhe arriti të takojë kryeministren e sapoardhur Liz Truss, një ditë përpara ndarjes nga jeta.
Fëmijët e Mbretëreshës janë Charles, tashmë Mbreti Charles III, Princesha Anne, Princi Andrew dhe Princi Edward.
Mbretëresha kremtoi para pak kohësh jubileun e platinit, që shënjonte 70 vjetorin e saj në fron, duke e bërë monarken që ka shëbyer më gjatë në historinë e Mbretërisë së Bashkuar.
Elisabeth II ishte një figurë përbashkuese për britanikët, mjaft e vlerësuar dhe respektuar edhe në arenën globale.
