TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Artisti legjendar Fats Domino është ndarë nga jeta në moshën 89 vjeçare. Televizionet lokale të Nju Orlinsit, citonin të bijën e tij që konfirmonte vdekjen duke thënë se ai ishte ndarë nga jeta paqësisht, i rrethuar nga familja.
Antoine Fats Domino jr, kish lindur në Nju Orlins, Luiziana në 1928 dhe nisi karrierën e tij muzikore në 1949.
Ai iu bashkua një saksofonisti dhe liderit të grupit Dave Bartholomeu, që prodhoi dhe ndihmoi në shkrimin e këngës së parë të Dominos, “The Fat Man”, të publikuar po atë vit.
Karriera e tij shtrihet në pesë dekada, kohë në të cilën ai shiti mbi 65 milionë disqe dhe prodhoi mbi 25 këngë të klasifikuara si Gold Singells, shifra këto që u lanë pas asokohe vetëm nga Elvis Presley.
Singëlli i tij debutues, i shitur në milionë kopje, the fat man, konsiderohet nga shumëkush si disku i parë i rok and rollit në histori. Gjithnjë i mbyllur dhe i ndrojtur, Domino, ishte pionieri i stilit që u bë sinonim i pasurisë muzikore të Nju Orlinsit.
Ai kujtohet për disa hite si “Blueberry hill”, “Aint that a shame” dhe i’m “Walking”. Pas lajmit për ndarjen e tij nga jeta, mesazhe ngushëlluese dhe vlerësuese kanë ardhur nga e gjithë bota e artit.
