TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Nga Erion Dasho/
Ministria dhe komiteti i të paaftëve janë të vetmit që ende nuk e kanë marrë vesh se Shqipëria ka arritur imunitetin e grupit. Ndërkohë vazhdojnë:
Të testojnë nga 3 apo 4 mijë persona në ditë, diçka që duhej ta kishin bërë gjatë kulmeve të pandemisë, atëherë kur shqiptarëve u vinte përgjigja e testit pas vdekjes.
Të blejnë dhe të aplikojnë vaksina të pasigurta kineze, të cilat edhe sot e kësaj dite nuk kanë as miratimin e EMA-s dhe as atë të OBSH-së. Mbi të gjitha roli i tyre në forcimin e imunitetit të grupit mbetet i paqartë.
Të insistojnë për vazhdimësinë e masave të pakuptimta si ora policore, e cila nuk ka patur rol as në kulmin e pandemisë dhe jo më sot kur pandemia në Shqipëri është duke u shuar.
O të paaftë! O boratë!
Mos i harxhoni kot paret e shqiptarëve, por siguroni kontrata me prodhues seriozë të vaksinave për sezonin e virozave dimrin e ardhshëm!
Disiplinoni hyrjen në Shqipëri që të bëhet me test, pasaportë vaksinimi apo certifikatë mjekësore si person që ka kaluar COVID-in!
Dhe mos ju bëni ferrë nëpër këmbë shqiptarëve!
Atëherë kur duhet t’i mbronit, ju i latë të vdisnin rrugëve! Sot ju po bëni sikur merrni masa, fiks si kofini pas të vjeli!
Mjaft, o të paturpë!!!
